Dünyanın ən məşhur cütlüklərindən olan Ancelina Coli və Bred Pittin münasibətlərində ciddi problem yaranıb. Artıq aktrisa ilə aktyorun eyni evdə qalmadıqları iddia olunur. Bu barədə Amerika mətbuatı məlumat yayıb. İnformasiyaya görə, Bred Pitt Fransada yaşadıqları malikanədən əşyalarını götürərək ayrılıb. Aktyor hazırda Nyu-Yorkda yaşayır. Ancelina Colinin Amerikanın ən məşhur vəkillərindən biri ilə müqavilə bağladığı, 6 uşağın qəyyumluğunu almaq istədiyi bildirilir. Məlumata görə, Coli uşaqların qəyyumluğunu əldə etmək üçün Pittə 90 milyon dollar təklif edib. Ancaq aktyor bu təkliflə razılaşmayıb.