Əməkdar artist Bilal Əliyev Amerika Birləşmiş Ştatlarına səfərini, nəhayət ki, reallaşdıracaq. Hələ ötən ildən okeanın o tayına getməyi planlaşdıran müğənni işlərinin çoxluğu ilə əlaqədar Azərbaycanı tərk edə bilmirdi. Bilal Əliyevin sözlərinə görə, yaxın günlərdə tanınmış amerikalı rep ifaçısı ilə duet oxuyacaq: “Onunla keçən il müqavilə bağlamışam. Müqavilənin şərtlərinə əsasən, bir il ABŞ-da yaşamalıyam. Layihə çərçivəsində həmin reperlə duet mahnı, klip, konsert nəzərdə tutulub. Amma hələlik həmin müğənninin adını açıqlaya bilmərəm”.