Gürcüstanın Kvemo Kartli-Borçalı bölgəsinin Marneuli rayonundakı Sadaxlı kəndi Borçalının ən böyük azərbaycanlı kəndlərindəndir.
   Heydər Əliyev Fondu kənd mədəniyyət evinə 50 adda bədii kitablar hədiyyə edib. Kitabları Azərbaycanın Gürcüstandakı səfirliyindən qəbul edən mədəniyyət evinin direktoru Fərhad Cəlilov qayğı və diqqətə görə respublika rəhbərliyinə, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevaya dərin minnətdarlığını bildirib. Qeyd edib ki, Heydər Əliyev Fondu gürcüstanlı soydaşların durumu ilə daim maraqlanır, burada təhsilin inkişafı, milli adət-ənənələrimizin qorunub saxlanmasında borçalılara böyük dəstək olur.