- 09-09-2011
- 1752
Bişkekin mərkəzindəki Ala-Too meydanında böyük qırğız yazıçısı Çingiz Aytmatovun və qırğız eposunun qəhrəmanı Manasın abidələri ucaldılıb. Şəhərin Ala-Too meydanında keçirilən mərasimdə Qırğızıstan prezidenti Roza Otunbayeva, dövlət və hökumət rəsmiləri, həmçinin Rusiya Federasiyası Prezidenti Administrasiyasının rəhbəri Sergey Narışkin iştirak ediblər. Tədbirdə çıxış edən Roza Otunbayeva bildirib ki, Çingiz Aytmatovun əsərləri ancaq qırğız xalqının deyil, bütün dünyanın sərvətidir: “Biz bu gün dünyaya belə böyük əsərlər qoyub getmiş adamla fəxr etməliyik”. Manasın tarixi haqqında danışan prezident qeyd edib ki, bu epos qırğız xalqının mənəvi sərvətidir.
