Dubayda turistləri heyrətləndirəcək yeni layihə

İran körfəzinin Dubay sahili yaxınlığında sualtı hotelin inşası planlaşdırılır.
“Water Discus” hotelinin layihəsi “Deep Ocean Technology” memarlıq şirkəti tərəfindən hazırlanıb. Hotel binası bir neçə hissədən ibarət olacaq. Onun həm suyun altında, həm də üzərində inşa edilməsi nəzərdə tutulub.
Layihəyə görə, hotel nömrələri binanın sualtı hissəsində yerləşdiriləcək. Bu qurğunun görünüşü qazma platformasını xatırladır. Hotelin bazasında dəniz mühitinin öyrənilməsi və mühafizəsi mərkəzi də yaradılacaq.