Böyük Britaniyanın çay brendi sayılan “Taylors of Harrogate” şirkəti arılar üçün hotel tikib.
Hoteldə fəaliyyət göstərən restoranda stollar üzərində şirin su, limonad və arıların xoşladığı ləzizlər düzülüb. Yataq otaqlarına isə xüsusi tunellər aparır.
Gözəl interyerə malik hoteldə “qonaqlar”ın sayı kifayət qədərdir. Burada hətta kiçik hovuz və idman zalı da var.
Hotelin inşasında təbii materiallardan və ən yaxşı ağacdan istifadə edilib. Başlıca məqsəd insanlara bal verən arılar üçün rahat şərait yaratmaqdır.