Qərb bölgəsinin mərkəzi sayılan Gəncə şəhərində 6 mehmanxana fəaliyyət göstərir və onların hamısı Mədəniyyət və Turizim Nazirliyindən müvafiq lisenziya alıblar.
   Bu haqda məlumatı Gəncə Regional Turizm Mərkəzinin direktoru Cumalik Rəhimov verib. Onun sözlərinə görə, şəhərdəki mehmanxanaların bir neçəsi artıq ulduz dərəcələri də alıb. Mehmanxana sahibləri bildirirlər ki, lisenziyanın alınması onların işlərinin daha keyfiyyətli səviyyədə qurulmasına təkan verib: “Lisenziyanı 2007-ci ilin dekabr ayının 17-də almışıq. Nazirliyin göstərişinə uyğun orlaraq bütün mehmanxana və mehmanxana tipli obyektlərin hamısının lisenziya ilə işləməsi vacib olduğuna görə, biz də bu qanuna əməl etmişik. Lisenziyanın alınması üçün müəyyən standartlara cavab vermək lazımdı, ona görə də biz, çatışmayan cəhətlərimizi də düzəltdik. Bu da bizim fəaliyyətimizdə müəyyən dönüş yaratdı»
   Ətraf rayonlarda isə hələ lisenziya ala bilməyən bir neçə mehmanxana xidməti göstərən obyektlər mövcuddur.