Cəlil Məmmədquluzadə adına Naxçıvan Dövlət Musiqili Dram Teatrında əsaslı təmir və yenidənqurma işləri aparılır. Binanın xarici görkəmində əsaslı dəyişikliklər edilməsə də, teatrın interyeri yeni dizayn əsasında qurulacaq. Yenidənqurma işləri çərçivəsində müasir texniki avadanlıqlarla təchiz olunacaq mədəniyyət müəssisəsi 2011-ci ildə istifadəyə veriləcək. Qeyd edək ki, təmir işləri ilə əlaqədar olaraq teatr fəaliyyətini müvəqqəti olaraq H.Əliyev adına Uşaq-Gənclər Yaradıcılıq Sarayında davam etdirir.