Aprelin 24-də Tərtər rayon Mərkəzləşdirilmiş Kitabxana Sistemində (MKS) ulu öndər Heydər Əliyevin anadan olmasının 91-ci ildönümünə həsr edilmiş dəyirmi masa keçirilib. Tədbirdə MKS-nin xidmət şöbəsinin müdiri Şəlalə Əliyeva ümummilli liderin həyat və fəaliyyətinə həsr edilmiş geniş məruzə oxuyub, dahi rəhbərin ömrünün səhifələri bir daha vərəqlənib. İştirakçılar “Xalqa bağlanan ömür” başlığı altında kitab sərgisi ilə tanış olublar. Tədbirdə mədəniyyət işçiləri Mirzə Məmmədov, Ulduzə Qurbanova, Ətrabə Süleymanova, Reyhan İsmayılova, Sevda İsgəndərova çıxış ediblər. Ulu öndərə həsr edilmiş şeirlər səsləndirilib.