Lənkəran Şəhər Mədəniyyət və Turizm Şöbəsinin təşəbbüsü, C.Cabbarlı adına 1 saylı uşaq musiqi məktəbi kollektivinin iştirakı ilə Astaranın Pensər kəndində “Bakı-2015” Avropa Oyunlarına həsr olunmuş konsert təşkil olunub. Kollektivin ifasında muğam və xalq mahnıları iştirakçıların alqışları ilə qarşılanıb. “Bakı-2015” Avropa Oyunları münasibətilə Lənkəranın Havzova kəndində təşkil olunan konsert proqramı da sakinlərin alqışına səbəb olub.

* * *
Zərdab rayon Mərkəzi kitabxanasında I Avropa Oyunlarına həsr olunmuş dəyirmi masa keçirilib. Çıxışlarda bildirilib ki, ilk dəfə ölkəmizin ev sahibliyi etdiyi Avropa Oyunları Azərbaycanın növbəti uğuru olacaq, dünyadakı şöhrətini artıracaq. Tədbirin sonunda iştirakçılar “Bakı-2015” Avropa Oyunları” adlı sərgi ilə tanış olublar.