Prezident İlham Əliyev mayın 30-da Azərbaycan mədəniyyətinin inkişafında xidmətlərinə görə bir qrup şəxsə fəxri adların verilməsi haqqında sərəncam imzalayıb. Sərəncama əsasən, Əliyeva Kübra Muxtar qızı, Muradov Vidadi Aydın oğlu “Əməkdar incəsənət xadimi” fəxri adına, Cigərov Nuviddin Feyzi oğlu, Eyyubov Cəmaləddin Bilal oğlu, Kərimov Vaqif Əhməd oğlu, Qurbanov Bayram Süleyman oğlu, Mehdizadə Mehdi İstəməli oğlu, Omarov Nəzir Osman oğlu, Şıxəliyev Şahalı Kamil oğlu və Tağıyev Vasif Əsgər oğlu “Əməkdar mədəniyyət işçisi” fəxri adına layiq görülüb.