Noyabrın 2-də Qəbələ Rayon Tarix-Diyarşünaslıq Muzeyində tanınmış arxeoloq, AMEA-nın müxbir üzvü, tarix elmləri doktoru, professor Qara Əhmədovun (1928-2003) xatirəsi yad edilib. Xatirə tədbirində çıxış edən muzeyin direktoru Xalis Məmmədov görkəmli alimin həyat və fəaliyyəti haqqında geniş məlumat verib. Qeyd olunub ki, Azərbaycanda arxeologiya sahəsində ilk dəfə doktorluq dissertasiyası müdafiə edən Qara Əhmədov Beyləqanın, Qəbələnin tarixi arenaya daxil olmasında böyük xidmətlər göstərib.
Hazırda muzeyin ekspozisiyasında arxeoloq alimin daimi guşəsi sərgilənir.