Dekabrın 3-də Gəncə şəhər MKS-nin Məhsəti Gəncəvi adına 1 saylı filialında Milli Qəhrəman Mübariz İbrahimova həsr edilmiş ədəbi-bədii kompozisiya təşkil olunub. 6 saylı məktəbin hərbi hazırlıq müəllimi Nəriman Əliyev, Qarabağ Müharibəsi Əlilləri, Veteranları və Şəhid Ailələri İctimai Birliyi Gəncə şöbəsinin sədri Almaz Aşurov Milli Qəhrəmanın həyat yolundan söz açıblar. Vurğulanıb ki, Mübariz İbrahimovun igidliyi, şücaəti gələcək nəsillərə nümunədir. Sonda tədbir iştirakçıları “Döyünən ürəyimiz - Qarabağ” başlıqlı sərgi ilə tanış olublar.