Cəlilabad rayon Heydər Əliyev Mərkəzinin təşəbbüsü ilə 31 dekabr Dünya Azərbaycanlılarının Həmrəylik günü və Yeni il münasibətilə azyaşlı uşaqlar və məktəblilər üçün "Meşədə şənlik" adlı tamaşa təşkil olunub.
Tamaşada rayon uşaq incəsənət məktəbinin şagirdləri, 2 saylı körpələr evinin uşaqları, Kazımabad kənd uşaq bağçasının fidanları, Mədəniyyət və İncəsənət Universitetinin tələbələri və Heydər Əliyev Mərkəzi rəqs dərnəyinin uşaqları maraqlı nömrələrlə çıxış ediblər. Uşaqlara Şaxta baba, Qar qız və tamaşada iştirak edən nağıl qəhrəmanları tərəfindən hədiyyələr verilib.