Dirijor, Əməkdar incəsənət xadimi Yalçın Adıgözəlovun Moskvanın «Gelikon-opera» teatrı ilə əməkdaşlığı davam edir. Bu yaxınlarda Y.Adıgözəlov teatrda böyük bəstəkar P.İ.Çaykovskinin «Qaratoxmaq qadın» operasına dirijorluq edib. Operanın quruluşçu rejissoru Rusiyanın Xalq artisti, professor Dmitri Bertmandır. Qeyd edək ki, dörd gün davam edən tamaşada ifaçılar və orkestrin tərkibi dəyişsə də, dirijor yalnız Yalçın Adıgözəlov olub.