Cəfər Cabbarlı adına İrəvan Dövlət Azərbaycan Dram Teatrı cənub bölgəsində qastrol səfərində olub. Lerik və Yardımlı rayonlarından sonra teatrın truppası Astara şəhərində yazıçı İsi Məlikzadənin “Hərənin öz ulduzu” komediyası ilə çıxış edib.
   Tamaşaçıların maraqla seyr etdikləri bu səhnə əsərinin quruluşçu rejissor u Anar Sadıqov, musiqi tərtibatçısı Rövşən Qurbanov, rejissor assistenti Elnarə Heydərovadır. Əsas rolları Xalq artisti Süleyman Nəcəfov, Əməkdar artist Vaqif Kərimov, Niyaməddin Səfərəliyev, Elnarə Heydərova, Aliyə Əliyeva, Samir Bayramov və digərləri ifa ediblər.