Bakı Bələdiyyə Teatrı iki yeni tamaşa hazırlayır. Teatrda M.F.Axundovun «Mürafiə vəkilləri» əsəri səhnələşdirilir. Tamaşanın rejissoru Rövşən Almuradlıdır. Bu barədə teatrın rəhbəri Amaliya Pənahova məlumat verib. Teatrda dünyaca məşhur «Əli və Nino» əsəri də səhnələşdirilir: «Tamaşaların hər ikisi üzümüzə gələn ilin əvvəllərində təhvil veriləcək. Bu tamaşanın rejissoru Elvin Mirzəyevdir, özü də baş rolda oynayır”.
   A.Pənahova onu da bildirib ki, teatra artıq «Dostluq» kinoteatrında yer də verilib və teatr bundan sonra fəaliyyətini bu məkanda davam etdirəcək.