Azərbaycanın Əməkdar artisti, Rusiya Böyük Teatrının solisti Çinarə Əlizadə və azərbaycanlı balet ulduzu Ülvi Əzizov aprelin 28-də Latviya Milli Operasının “Etoile Ballet Gala” konsertində çıxış edəcək. “Etoile Ballet Gala” xoreoqrafik proqramı dünyanın ən əhəmiyyətli balet hadisələrindən biridir. Qala-konsertdə dünyanın tanınan və nüfuzlu balet səhnələrində çıxış edən ən parlaq ulduzlarının iştirakı gözlənilir.