Əbdürrəhim bəy Haqverdiyev adına Ağdam Dövlət Dram Teatrında Üzeyir Hacıbəylinin "Ər və arvad" musiqili operettası tamaşaya qoyulacaq.
Teatrın baş rejissoru Sərvər Əliyev bildirib ki, dahi bəstəkarın 130 illiyi münasibətilə hazırlanacaq tamaşanın gələn ilin əvvəlində təqdim olunması nəzərdə tutulub. Bu mövsümdə kollektiv Əbdürrəhim bəy Haqverdiyevin "Kimdir müqəssir?", Şarl Peronun "Sehrbaz qadın" tamaşalarını da nümayiş etdirəcək.
Qeyd edək ki, teatr Ağdam rayonunun Quzanlı qəsəbəsində - cəbhəyanı bölgədə fəaliyyət göstərir.