Yazıçı-dramaturq Əli Əmirlinin "Varlı qadın" komediyası Naxçıvan Dövlət Musiqili Dram Teatrında səhnəyə qoyulur. Teatrın direktoru Rza Xudiyev tamaşanın ilin sonunadək təhvil veriləcəyini deyib. Əsərə Naxçıvan teatrının rejissoru Tofiq Seyidov quruluş verib. Səhnə tərtibatçısı Naxçıvan MR-in Əməkdar rəssamı Səyyad Bayramov, musiqi tərtibatçısı Azərbaycanın Əməkdar artisti Mübariz Əsgərovdur.