AMEA Geologiya və Geofizika İnstitutunun Hövzə modelləşdirilməsi və geotexnologiyalar şöbəsinin böyük elmi işçisi Tofiq Rəşidov Novosibirsk şəhərində gənc alimlərin Yer elmləri üzrə VIII beynəlxalq Sibir konfransında iştirak edib. Almaniya, Polşa, Norveç, İran, Pakistan, Çin və digər ölkələrdən nümayəndələrin qatıldığı tədbirdə azərbaycanlı tədqiqatçı “Cənubi Xəzər hövzəsinin palçıq vulkanları” mövzusunda mühazirə oxuyub. Alim Azərbaycanın Qobustan ərazisində palçıq vulkanlarının məkanca yayılma aspektlərindən bəhs edib.