Sentyabrın 2-də Bakıda Hindistan mədəniyyəti sərgisi açılacaq. Hindistanın Bakıdakı səfirliyinin dəstəyi ilə baş tutacaq sərgi sentyabrın 18-dək davam edəcək. Artıq bir neçə ildir ki, ənənəvi olaraq təşkil olunan sərgi bu dəfə “Amay” ticarət mərkəzində keçiriləcək.
Qonaqlar sərginin pavilyonunda yer alan Hindistanın mədəniyyət nümunələri ilə yaxından tanış olmaq imkanı əldə edəcəklər. Həmçinin, hind rəqsləri, hind yeməkləri təqdim ediləcək, Hindistandan gətirilən qızıl və gümüş əşyalar, tavalar və qazanlar, mebel, xalça, ədviyyat, çay və başqa məhsullar, ipək, qumaş və pambıq parçalardan hazırlanmış geyimlər, kəlağayılar, yaylıqlar və dəsmallar nümayiş olunacaq.