Mədəniyyət və Turizm Nazirliyi sistemində fəaliyyət göstərən uşaq musiqi, incəsənət, rəssamlıq, muğam və aşıq məktəbləri müəllimlərinin peşəkarlıq səviyyəsinin qiymətləndirilməsi və əlavə təlim ehtiyaclarının müəyyənləşdirilməsi məqsədilə zonalar üzrə müəllimlərin bilik və səriştəsinin sınaq qiymətləndirilməsi (test üsulu ilə) keçirilir. 2014-2016-cı illərdə bu proses şəhər və rayonlarda müvafiq məktəblərin 7300-dən çox müəllimini əhatə edib.
Oktyabrın 16-da Şəmkir şəhərində Ağstafa, Gədəbəy, Göygöl, Qazax, Şəmkir, Tovuz rayon uşaq musiqi, incəsənət və aşıq məktəbləri müəllimlərinin bilik və səriştəsinin sınaq qiymətləndirilməsi keçirilib. Tədbirdə 13 ixtisas üzrə 800-ə yaxın müəllim iştirak edib.
Zonalar üzrə müəllimlərin bilik və səriştəsinin sınaq qiymətləndirilməsi davam etdiriləcək.