- 20-02-2009
- 2126
Fevralın 25-də Mədəniyyət və Turizm Nazirliyinin sifarişi ilə “Ritm Production”da istehsal olunan “Qırxıncı qapı” tammetrajlı bədii filmin premyerası keçiriləcək. Rejissoru Elçin Musaoğlu olan bu film həm də İsveçrənin “FOKAL” şirkətinin “AVANTİ” proqramının qalibidir. 14 yaşlı azərbaycanlı uşağın taleyindən bəhs edən filmdə Həsən Səfərəliyev, Gülər Nəbiyeva, Elmira Şabanova, Rafiq Əzimov, Rövşən Ağayev və başqa aktyorlar çəkilib. Qeyd edək ki, filmin çəkilişinə alman prodüserləri də cəlb olunub. Filmin premyerası Səməd Vurğun adına Rus Dövlət Dram Teatrında olacaq.
