Mayın ayının ilk ongünlüyündə Moskvada keçiriləcək IV “Yaşamaq zamanıdır-2009” Beynəlxalq kinoforumda Azərbaycan “Salnamə” sənədli filmlər studiyasının rejissoru Tahir Əliyevin “Səhra gülü” (26 dəqiqə) sənədli film ilə təmsil olunacaq. Rejissor Tahir Əliyevin verdiyi məlumata görə, film festival çərçivəsində keçiriləcək qısametrajlı sənədli filmlər müsabiqəsində iştirak edəcək. Festivalda Azərbaycanla yanaşı, Rusiya, Latviya, Yunanıstan, Gürcüstan, Qazaxıstan, İsrail, Rumıniya, ABŞ, İtaliya, Almaniya, Finlandiya, Niderland, Ukrayna və Ermənistanın istehsal etdiyi filmlər nümayiş olunacaq.