Mədəniyyət və Turizm Nazirliyinin təşkilatçılığı ilə noyabrın 15-də Muzey Mərkəzində gürcüstanlı uşaqların rəsm əsərlərindən ibarət sərgi təşkil olunacaq. Bu məqsədlə E.Axvlediani adına Uşaq Rəsm Qalereyasının müəllim və şagirdləri Bakıya gələcəklər. Sərgi iki gün davam edəcək.
   Qeyd edək ki, bu ilin iyul ayında Azərbaycanın “DA’Art” Təsviri İncəsənət Məktəbinin şagirdlərinin Tbilisi şəhərində sərgisi açılıb. Sərgilərin təşkili Azərbaycanla Gürcüstan arasında mədəni əlaqələrin canlandırılması məqsədi daşıyır.