Avqustun 20-dən 24-dək Rusiyanın Moskva, Sankt-Peterburq və Yaroslavl şəhərlərində geniş konsert proqramları təqdim olunacaq. Azərbaycanlı rəqqas, Mədəniyyət və İncəsənət Universitetinin müəllimi Tahir Eynullayev də bu konsertlərdə iştirak edəcək. O, konsertdə “Bəy”, “Turacı”, “Qaraçı”, “Qaytağı” və digər milli rəqslərimizi təqdim edəcək. Rəqqas konsertdən sonra Sankt-Peterburqun ən böyük ali təhsil ocaqlarından birində tələbələrə ustad dərsləri keçəcəyini də deyib.
   Tahir Eynullayev bundan əvvəl ABŞ, Böyük Britaniya, İtaliya və Türkiyədə keçirilmiş beynəlxalq yarışlarda ölkəmizi layiqincə təmsil edib.