Türkiyənin Muğla Bələdiyyəsinin təşkilatçılığı ilə sentyabrın 2-dən 4-dək Muğla şəhərində beynəlxalq zurna festivalı keçiriləcək. Festivala Türkiyə, Azərbaycan, Yunanıstan, Bolqarıstan və digər ölkələri təmsil edən 20-dək sənətçi qatılacaq.
Festival artıq ikinci dəfədir ki, Muğlada reallaşdırılır. Əsas məqsəd zurna ifaçılıq mədəniyyətinin təbliği və gənc ifaçı nəslə bu sənəti daha da sevdirməkdən ibarətdir. Artıq tədbirə hazırlıq işlərinə başlanılıb. Festivalda Azərbaycanı Əməkdar artist Şirzad Fətəliyev təmsil edəcək.