Sentyabrın 14-də Almatı şəhərində M.Auezov adına Qazaxıstan Dövlət Akademik Dram Teatrının səhnəsində "Almatı-2015. İslam mədəniyyətinin paytaxtı" tədbirləri çərçivəsində beynəlxalq festival keçirilib.
Konsertdə Qazaxıstan, Misir, Qırğızıstan və Tacikistandan ifaçılarla yanaşı, Fikrət Əmirov adına Azərbaycan Dövlət Mahnı və Rəqs Ansamblı da iştirak edib.
Mədəniyyət və Turizm Nazirliyinin dəstəyi ilə festivala qatılan ansamblın ifasında təqdim olunan "Azərbaycan", "Uzundərə" və "Yallı" rəqsləri tamaşaçıların böyük marağına səbəb olub. Kollektiv uğurlu çıxışına görə Qazaxıstanın Mədəniyyət və İdman Nazirliyinin xüsusi diplomu ilə təltif edilib.