Dekabrın 30-da tanınmış rəssam Lalə Ağayevanın Bakıda növbəti rəsm sərgisi açılacaq. “Yuxu” adlanan sərgiyə giriş sərbəstdir.
Daha çox abstrakt və sürrealist üslubda rəsmlər çəkən rəssamın ilk sərgisi 2000-ci ildə keçirilib. Ötən müddətdə rəssam bir çox diplom və sertifikatlara layiq görülüb. Əsərləri muzey və qalereyalarda nümayiş olunub. Rəssam ölkəmizi “World Art Games”da təmsil edib, diplomla təltif olunub. Lalə Ağayeva 2003-cü ildən Azərbaycan Rəssamlar İttifaqının üzvüdür.