Azərbaycan Milli İncəsənət Muzeyində Dövlət Bayrağı Günü münasibətilə tədbir keçirilib. Tədbirdə Qərb Universitetinin nəzdindəki orta məktəbin şagirdləri və 132-134 saylı Təhsil kompleksinin nəzdində fəaliyyət göstərən uşaq bağçasının fidanları iştirak ediblər.
Muzeyin əməkdaşı Yeganə Mövsümova “Bayrağımızın rəngləri Azərbaycan rəssamlarının yaradıcılığında” adlı mühazirə ilə çıxış edib.
Məktəblilər arasında viktorina keçirilib. Uşaqlar ekspozisiyası ilə tanış olduqdan sonra yağlı boya, quaş və pastellərlə Azərbaycan bayrağı rəsmlərini çəkiblər.