Türk Mədəniyyəti və İrsi Fondunun prezidenti Günay Əfəndiyeva Moldovada keçirilən “Invest Gagauzia” II Beynəlxalq İnvestisiya Forumunda iştirak edib.
Forum çərçivəsində Günay Əfəndiyeva Moldovanın Qaqauz Yeri muxtar bölgəsinin başqanı İrina Vlax ilə görüşüb. Günay Əfəndiyeva rəhbərlik etdiyi qurumun məqsədləri və fəaliyyəti barədə məlumat verib, qaqauzların türk dünyasının bir parçası olduğunu vurğulayaraq qaqauz mədəni irsinin qorunmasının vacibliyini qeyd edib.
Görüş zamanı əməkdaşlıq əlaqələrinin perspektivləri müzakirə edilib, qaqauzların tarixi-mədəni irsi ilə bağlı layihələrin həyata keçirilməsinə dair fikir mübadiləsi aparılıb.