Bakı Dövlət Universitetinin Kitabxanaşünaslıq-informasiya fakültəsi ilə Mədəniyyətşünaslıq üzrə Elmi-Metodik Mərkəz arasında anlaşma memorandumu imzalanıb. 
   Dekabrın 2-də imzalanan memorandumun məqsədi ölkəmizdə kitabxanaşünaslıq üzrə kadrların yetişdirilməsində işgüzar elmi-mədəni əlaqələrin qurulması, kitabxanaşünas kadrların elmi potensialından muzey və kitabxanalarda səmərəli istifadə, həmçinin birgə təlim kurslarının təşkili yolu ilə ixtisaslaşma dərəcəsinin artırılması, bu sahəyə dair yeni elmi-metodik üsulların axtarışlarının gücləndirilməsidir. 
   Tərəflər mədəniyyətimizin tərəqqisi istiqamətində mühüm rola malik müasir kitabxanaşünas kadrların bilik və potensialından səmərəli istifadənin əlaqələndirilməsi sahəsində bərabərhüquqlu, qarşılıqlı və uzunmüddətli əməkdaşlıq edəcəklər.