Qısametrajlı sənədli film müsabiqəsi
   
   İyunun 16-da Azərbaycan Media Mərkəzində Azərbaycanda Fransız İnstitutunun təşkilatçılığı ilə “Bizim Bakı: dəyişən şəhərdə keçən həyat” qısametrajlı sənədli film müsabiqəsinin təqdimatı keçirilib. Mərasimdə Kembric Universitetinin doktorantı, antropoloq Tristam Barretti müsabiqənin məqsədi barədə ətraflı məlumat verib. Bildirilib ki, Bakı şəhərinin son 20 ildə sürətli inkişafını əks etdirəcək filmlər 7 mövzunu əhatə etməlidir. Müsabiqəyə qəbul edilən qısametrajlı ekran əsərləri sentyabrın 16-dan 24-dək keçiriləcək sərgidə təqdim olunacaq. Filmlər müsabiqəyə iyulun 30-dək təqdim olunmalıdır.