“Mozalan” kinojurnalı üçün ssenari müsabiqəsinin qalibləri təsdiq edildi
“Mozalan” kinojurnalına ictimai diqqəti artırmaq, onun süjetlərini müasir həyatın tələblərinə cavab verən mövzularla zənginləşdirmək və kinodramaturgiyanın bu növünə yeni qüvvələr cəlb etmək məqsədi ilə Mədəniyyət və Turizm Nazirliyinin 2011-ci il mayın 1-dək keçirdiyi müsabiqəyə professional kinodramaturqların və digər müəlliflərin müasir həyatımızın problemlərini əks etdirən, 2-4 dəqiqəlik bədii süjet üçün nəzərdə tutulan ssenariləri təqdim olunmuşdur. Müsabiqənin münsiflər heyətinin qərarına əsasən “Mozalan” kinojurnalı üçün ssenari müsabiqəsinin üç qalib ssenarisi təsdiq edilmişdir:
1. “Ağıllı” və ya “Nağdsız haqq-hesab” (müəllif: Rüfət Məlikov)
2. “Lift” (müəllif: Elçin Musaoğlu)
3. “Heyvanlar aləminə səyahət” (müəllif: Lalə Abbasova)
Münsiflər heyətinin müəyyən etdiyi qalib ssenarilər “Mozalan” studiyasında çəkiləcək və onların müəlliflərinə qonorar veriləcəkdir.
Bu kateqoriyaya aid digər yazılar