Məşhur Hollivud ulduzu Ancelina Coli Bosniya-Hersoqovinanın paytaxtı Sarayevoda keçirilən film festivalının bağlanış mərasimində xüsusi mükafata layiq görülüb. Aktrisaya Bosniyada baş verən 1992-1995-ci illər müharibəsinin qaçqınlarına dünyanın diqqətini cəlb etdiyinə görə “Sarayevonun ürəyi” mükafatı təqdim edilib. Qeyd edək ki, Anjelina Coli festivalda ilk rejissor işi olan “Qan və bal diyarında” filmi ilə iştirak edib. Ekran əsəri 1992-1995-ci illərdə Balkanlarda bosniyalılarla serblər arasındakı müharibədən bəhs edir.