Akademik Milli Dram Teatrında “Zorən şorgöz” tamaşasının növbəti nümayişi olub. İngilis dramaturqu Rey Kuninin “Kişi, qadın, pəncərə, meyit” əsəri əsasında hazırlanan ikihissəli komediyanın tərcüməçisi və quruluşçu rejissoru Əməkdar artist Nicat Kazımov, quruluşçu rəssamı Elşən Sərxanoğlu, musiqi tərtibatçısı Həmid Kazımzadə, işıq üzrə rəssamı Rafael Həsənovdur.
   Rolları əməkdar artistlər Nicat Kazımov (Riçard Uilli), Aslan Şirin (Corc Piqden), Mehriban Xanlarova (Ceyn Uorzinqton), Şəlalə Şahvələdqızı (Pamela), Kazım Abdullayev (Müdir), aktyorlar Rəşad Bəxtiyarov (Ofisiant), Mətləb Abdullayev və Rövşən Kərimduxt (Ronni), Şəhla Əliqızı (Qledis), Vüsal Mustafayev (Detektiv), Dilarə Nəzərova (Mariya) ifa edirlər.
   Tamaşanı Dilbər İsmayılova idarə edib. Səhnə əsərinin ilk nümayişi 8 iyun 2013-cü ildə olub.