Dekabrın 20-də Beynəlxalq Muğam Mərkəzində “Top həm düşər, həm qalxar” sənədli filminin təqdimatı keçiriləcək. Rejissor Arzu Urşanın “Salnamə” studiyasında bu il çəkdiyi film Azərbaycan futbolunun yaranmasının 100 illiyinə həsr olunub. Ekran əsəri sentyabrda Rusiyanın Lipetsk şəhərində keçirilmiş “Atlant” VIII Beynəlxalq idman filmləri festivalında “Olimpiya ideallarına sədaqət” nominasiyasında birinci mükafata layiq görülüb. Bundan alavə, “Top həm düşər, həm qalxar” sənədli filmi noyabrda İtaliyanın Milan şəhərində keçirilmiş Beynəlxalq idman filmləri festivalında qalib adını qazanıb.