Fevralın 26-da Azərbaycanın bütün kinoteatrlarında Xocalı faciəsinə həsr edilmiş “Xoca” filmi nümayiş olunacaq. Filmin ssenari müəllifi və rejissoru “ANS” Şirkətlər Qrupunun prezidenti Vahid Mustafayevdir. Yeni ekran əsəri əsrlər boyu bu torpaqlarda yaşayan, erməni quldur birləşmələri tərəfindən əzab-əziyyətlə qətlə yetirilən qadın, uşaq, qoca, silahsız insanlar, ümumiyyətlə, Xocalı soyqırımının bütün qurbanlarının xatirəsinə həsr edilmiş özünəməxsus kinoabidədir.