Martın 27-də Azərbaycan Kinematoqrafçılar İttifaqında Xalq artisti, tanınmış rejissor Ağakişi Kazımovun yaradıcılığından bəhs edən “Çapıqlı adam” filmi nümayiş olunub. Filmin rejissoru Aydın Dadaşovdur.
   Filmlə bağlı fikirlərini bölüşən A.Kazımov bildirib ki, onun məşqlərini, dərslərini hər 3-5 ildən bir arxiv üçün lentə alan rejissor Aydın Dadaşov “Çapıqlı adam” filmində kinoxronika materiallarından nəzəri əsaslarla istifadə edib. A.Kazımov rejissor A.Dadaşovun onun tamaşaları ilə bağlı məqalələr də yazdığını diqqətə çatdırıb.
   Xalq artisti qeyd edib ki, “Çapıqlı adam” filmi internetdə də yerləşdirilib və tamaşaçıların böyük rəğbətini qazanıb.