Mayın 2-də “Nizami” Kino Mərkəzində “Bu meydan, bu ekran” gənclər müsabiqəsi qaliblərinin çəkdiyi filmlər tamaşaçı auditoriyasına təqdim olunacaq. “Gənclərin qısa filmləri” kino axşamında Fariz Əhmədovun “Mayak” (“Orman“ prodüser mərkəzi), Sənan Vəliyevin “İşığa doğru” (“Art Qlobal production” şirkəti) və Emin Əfəndiyevin “Yuva” (“Buta-film” prodüser mərkəzi) filmləri nümayiş etdiriləcək. Baxışdan sonra filmlərin yaradıcıları media nümayəndələrini və kinosevərləri “Nizami” Kino Mərkəzinin mətbuat klubunda təşkil olunacaq müzakirəyə dəvət edirlər.