Rusiyanın Ulyanovsk şəhərində SSRİ Xalq artisti, tanınmış televiziya aparıcısı Valentina Leontyevanın (1923-2007) xatirəsinə həsr olunmuş “Səmimi qəlbdən” adlı IV Beynəlxalq kino və teleproqramlar festivalı başa çatıb. Festivalda “Ən yaxşı tammetrajlı film” nominasiyasında Azərbaycan rejissoru Murad İbrahimbəyovun “Ondan yaxşı qardaş yox idi” filmi qalib olub. Filmdə Nino Ninidze, Yevgeni Tsıqanov, Sergey Puskebalis, Hacı İsmayılov və başqaları çəkiliblər.