Azərbaycan Respublikası Kinematoqrafçılar İttifaqı tərəfindən Milli Kino Mükafatı təsis olunub. Mükafat hər il 2 avqust - Azərbaycan Kinosu Günündə milli kinomuzun inkişafı sahəsində fərqlənən kinematoqrafçılara təqdim olunacaq.
   İttifaqdan bildiriblər ki, mükafatın təsis olunması haqqında qərar Azərbaycan Respublikası Kinematoqrafçılar İttifaqı İdarə Heyətinin iclasında verilib.
   İclasda ittifaqın əsasnaməsi, strukturu və görüləcək işlər barədə müzakirələr aparılıb, eləcə də Azərbaycan Kinosu Günü ilə bağlı tədbirlər planı təsdiq olunub.