İyulun 18-də Azərbaycan Dövlət Gənc Tamaşaçılar Teatrında müqəddəs Ramazan ayının başlanması münasibətilə “Tanış və sirli Ramazanı kəşf et!” mövzusunda sərgi açılacaq. Teatrın mətbuat xidmətindən bildiriblər ki, “Aydınlığa doğru” milli-mənəvi dəyərlərin qorunması İctimai Birliyi tərəfindən təşkil olunan sərginin nümayişindən sonra “Ramazan dalğası” filminin təqdimatı keçiriləcək. Filmin ssenari müəllifi Aydın Talıbzadə, rejissoru Elçin Musaoğludur.