Qazaxıstanın orta məktəb dərsliyində Azərbaycan musiqisi və aşıq sənətindən bəhs olunub. Qazaxıstan Respublikası Təhsil və Elm Nazirliyinin tövsiyəsi ilə çap olunan V sinif “Musiqi” dərsliyində Azərbaycan aşıq sənəti, xalq çalğı alətlərindən saz, tar, kamança, nağara və qədim çalğı aləti çəqanə haqqında məlumat verilib. “Aşıq” və “dastan” sözləri xüsusilə izah olunub.
   Dərsliyə bəstəkar Qəmbər Hüseynlinin Tofiq Mütəllibovun sözlərinə bəstələdiyi “Cücələrim” mahnısı da daxil edilib.