Aprelin 18-də Azərbaycan Milli Konservatoriyasında “Bakuba Band” caz musiqi qrupu konsert proqramı ilə çıxış edəcək.
   Konservatoriyadan bildirilib ki, proqramda Azərbaycan və xarici ölkə bəstəkarlarının əsərləri səslənəcək. Musiqi rəhbəri Əməkdar artist Tofiq Cabbarov olan qrupda Nicat Aslanov (piano), Afşin Əlizadə (piano), Nicat Paşazadə (bas-gitara), Firudin Həmidov (truba), Həsən Bilalov (zərb alətləri), Sona Ələsgərova və Məlik Ramiz (vokal) çıxış edirlər.