Sənədli filmin çəkilişləri başa çatıb
   
   Görkəmli alim, həkim, bəstəkar, seleksiyaçı Mirkazım Aslanlının 100 illik yubileyi münasibətilə “Region TV” və “Cənub TV”nin birgə istehsalı olan “Tərk etmə məni” tammetrajlı sənədli filmin çəkilişləri başa çatıb. Filmin ssenari müəllifi və rejissoru Aydın Dadaşovdur. Müəllif çəkilişlərdə iştirak etməklə Mirkazım Aslanlının həyatının ən maraqlı, dramatik məqamlarının bərpasına yardım göstərən cənub bölgəsinin ağsaqqallarına və filmin ərsəyə gəlməsinə köməyini əsirgəməyən yerli icra hakimiyyəti nümayəndələrinə minnətdarlığını bildirib.