Bu günlərdə daha bir qrup kino işçisi Azərbaycan Kinematoqrafçılar İttifaqını tərk edib. Təşkilatı tərk edənlər Xalq artisti, Prezident təqaüdçüsü Zərnigar Ağakişiyeva, rejissor, Əməkdar incəsənət xadimi Cahangir Mehdiyev, Əməkdar rəssam Fikrət Ələkbərov, ssenarist Yaqub Məmmədov, rejissor Mikayıl Nəsirov, səs operatoru Firudin Hüseynov, rejissor Vasif Məmmədzadə, Əməkdar mədəniyyət işçisi Elman Əliyev, icraçı prodüser Sahib Heybətovdur. Onlar yeni yaradılan Azərbaycan Respublikası Kinematoqrafçılar İttifaqına üzv olmaq üçün ərizə ilə müraciət ediblər.