Azərbaycan Dillər Universiteti nəzdində fəaliyyət göstərən (ADU) Konfutsi İnstitutunda pianoçu Xuan Veyveyin rəhbərliyi altında Çinin Quansi əyalətinin musiqi kollektivi bu ölkənin klassik musiqilərindən ibarət konsert proqramı təqdim edib.

ADU-dan bildirilib ki, konsertin “Gözəl Çin” adlanan birinci hissəsində xanım Xuanın ifasında mahnılar səslənib. Sonra Çindən gələn qonaq, gənc soprano Lu Düncu çıxış edib.

Konsertin “Böyük İpək Yolu” adlanan ikinci hissəsində isə ADU-nun Konfutsi İnstitutunun müəllim və tələbələrinin iştirakı ilə ənənəvi Çin fleytasında Azərbaycan və Çin xalq mahnıları səsləndirilib.