Mayın 23-də Masallıdakı Heydər Əliyev adına Mədəniyyət Mərkəzində Mədəniyyət və Turizm Nazirliyinin sifarişi ilə "Yaddaş" studiyasında rejissor Zamin Məmmədov tərəfindən çəkilmiş "Qəhrəman polis" sənədli filminin təqdimatı olacaq. Mədəniyyət və Turizm Nazirliyi, Masallı Rayon İcra Hakimiyyəti, Mədəniyyət və Turizm Şöbəsinin birgə təşkil etdiyi tədbir nazirliyin Regionlarla iş sektorunun iş planına əsasən, yeni Azərbaycan filmlərinin nümayişi qrafikinə uyğun olaraq keçiriləcək. Film Masallıda doğulub boya-başa çatmış Azərbaycanın Milli Qəhrəmanı Səfəralı Məmmədova həsr olunub.